2026-yil 16-yanvar kuni O‘zbekiston Respublikasi Iqtisodiyot va moliya vazirligida Global Green Growth Institute (GGGI) bilan qo‘shma tashabbuslarni amalga oshirishga bag‘ishlangan uchrashuv bo‘lib o‘tdi. KOICA granti tomonidan qo‘llab-quvvatlanadigan birinchi loyiha 8,5 million dollarga baholanib, O‘zbekistonning Parij bitimini bajarishga ko‘maklashishga va Koreya Respublikasi bilan birgalikda 2026–2030-yillarga mo‘ljallangan 6-modda doirasida harakat qilishga qaratilgan.
Ikkinchi loyiha – "Markaziy Osiyoda iqlimni moliyalashtirishdagi kamchiliklarni bartaraf etish" 400 ming yevroga baholanib, 2025–2026-yillarga mo‘ljallangan. U O‘zbekiston va Qirg‘izistonning moliya sektorini "yashil" iqtisodiyotga o‘tishini tezlashtirishga va yashil investitsiyalar uchun imkoniyatlarni kengaytirishga qaratilgan.
Uchrashuvda loyihalarni amalga oshirish jadvali, energetika va resurslarni boshqarish sohasida pilot yechimlarni joriy etish, shuningdek, institutsional qo‘llab-quvvatlash choralari muhokama qilindi. Yakunida tomonlar birgalikda ishlashni davom ettirishga va barqaror rivojlanish sohasida ikki tomonlama hamkorlikni mustahkamlashga tayyor ekanliklarini tasdiqladilar.