2026 yil 1 fevraldan boshlab 50 yildan ortiq bo'lgan transport vositalaridan foydalanish taqiqlanadi — bunday mashinalar davlat ro'yxatidan chiqariladi. Bu hukumatning 20 fevraldagi yo'l harakati xavfsizligi va raqamlashtirish to'g'risidagi 11-sonli qarorida nazarda tutilgan.
Bundan tashqari, cheklovlar umumiy og'irligi 44 tonnadan ortiq bo'lgan yuk mashinalariga, tog'-kon, shaxta va karer ishlari uchun maxsus transportga, shuningdek, yuridik shaxslarga tegishli bo'lgan yo'nalishli taksilarga taalluqli bo'ladi. "Antikvar" avtomobillar uchun alohida davlat raqamlari joriy etiladi.
Yangi qoidalar ro'yxatga olishni soddalashtiradi: endi hujjatlarda mulkdorning manzilini ko'rsatish shart emas. Oldi-sotdi shartnomasi, auksion bayonnomasi va hisob-fakturalari to'g'risidagi ma'lumotlar idoralararo elektron tizimlar orqali avtomatik ravishda olinadi, bu jarayonni tezlashtiradi va qog'ozbozlikni kamaytiradi.
