UzAuto Motors Oʻzbekistonda yangi Chevrolet Traverse Z71 yoʻltanlamasi savdosi boshlanganini eʼlon qildi. Xarid bo‘yicha shartnoma kompaniyaning barcha rasmiy dilerlari orqali tuzilishi mumkin. Model keng oilaviy SUV izlayotgan, shu bilan birga yoʻldan tashqaridagi imkoniyatlari oshirilgan va zamonaviy texnologiyalarga urgʻu berilgan avtomobilga ehtiyoj sezadigan xaridorlarga moʻljallangan.
Chevrolet Traverse Z71 328 ot kuchiga ega 2,5 litrli turbinali toʻrt silindrli dvigatel bilan jihozlanadi. Avtomobil kuchaytirilgan osma, oshirilgan yoʻl oraligʻi va toʻliq uzatma tizimini oldi, bu esa shaharda ham, undan tashqarida ham ishonchli harakatlanishni taʼminlaydi. Z71 versiyasi yanada tajovuzkor koʻrinishi bilan ajralib turadi: qora radiator panjarasi, mat himoya elementlari, qizil tortish ilgaklari, yangilangan bamperlar va 18 dyuymli gʻildirak disklari modelning yoʻltanlamas xususiyatini taʼkidlaydi.
Salon qulaylik va raqamlashtirishga yoʻnaltirilgan. Jihozlar tarkibiga 17,7 dyuymli ekranga ega multimedia tizimi va 11 dyuymli raqamli asboblar paneli kiradi. Uch qatorli joylashuv yoʻlovchilar uchun kenglikni taʼminlaydi, bezakdagi premium materiallar esa haydovchi va yoʻlovchilar himoya darajasini oshiruvchi Chevy Safety Assist faol xavfsizlik tizimlarining kengaytirilgan paketi bilan toʻldirilgan.
