Ijtimoiy tarmoqlarda O'zbekiston fuqarolarining shaxsiy ma'lumotlari ommaviy oshkor bo'lishi mumkinligi haqida axborot tarqaldi. Tasdiqlanmagan ma'lumotlarga ko'ra, bir qator davlat va xususiy tizimlarda, jumladan IIV, Ijtimoiy himoya milliy agentligi, Milliy statistika qo'mitasi va ipotekani qayta moliyalashtirish kompaniyasida avtorizatsiya amalga oshiriladigan elektron hukumatning markaziy OAuth-serveri komprometatsiyaga uchragan bo'lishi mumkin.
Agar sizib chiqish rostdan ham yuz bergan bo'lsa, yovuz niyatli shaxslar qariyb 15 mln foydalanuvchi ma'lumotlariga kirish imkoniga ega bo'lgan bo'lishi mumkin: familiya va ismlar, manzillar, tug'ilgan sanalar, telefonlar, e-mail va pasportga oid ma'lumotlar. Kiberxavfsizlik markazida tekshiruv o'tkazilayotgani va uning yakunlari bo'yicha rasmiy axborot e'lon qilinishi bildirdi. Fuqarolar raqamli gigiyenaga rioya qilishga chaqirildi: murakkab parollardan foydalanish va shubhali havolalar orqali ma'lumotlarni yubormaslik.
Shu bilan birga, Milliy statistika qo'mitasi 2026 yil 15-31 yanvar kunlari aholi va qishloq xo'jaligi ro'yxatini olishning onlayn bosqichi davomida to'plangan ma'lumotlar himoyalangan serverlarda shifrlangan ko'rinishda saqlanganini ta'kidladi. Fuqarolarni suratga olish o'tkazilmagan, ro'yxatga olish ma'lumotlari esa milliy axborot xavfsizligi tizimi talablariga muvofiq to'liq himoyalangan.