AJ "Uzbekgidroenergo" Xitoyning Sinohydro Co., Ltd. kompaniyasi bilan Andijon viloyatidagi Shahrixon GESlarini modernizatsiya qilishga qaratilgan kelishuvlar paketini imzoladi. EPC "kalit topshirish" sxemasi bo'yicha amalga oshirilayotgan loyiha GES-5A va GES-6A ni qamrab oladi hamda loyihalashtirishdan tortib obyektlarni foydalanishga topshirishgacha bo'lgan ishlarning to'liq siklini nazarda tutadi.
Modernizatsiyadan so'ng stansiyalarning jami o'rnatilgan quvvati 7,6 MVtdan 16,4 MVTgacha oshadi, bu esa yiliga qariyb 33 mln kVt·soat elektr energiyasi ishlab chiqarish imkonini beradi. Bu 13 mingdan ortiq xonadonni elektr bilan ta'minlashga yetadi va bir vaqtning o'zida taxminan 11 mln m³ tabiiy gaz hamda 27,5 ming tonnadan ortiq ko'mirni tejaydi.
Loyiha doirasida GESning texnologik va boshqaruv infratuzilmasi ham yangilanadi, bu esa mintaqa energetika tizimining ishonchliligi va barqarorligini oshiradi. Ekspertlar fikricha, Sinohydro bilan hamkorlik O'zbekiston gidroenergetikasi rivojlanishining yangi bosqichini ochadi va mamlakatning barqaror elektr energiyasi ta'minotidagi strategik pozitsiyalarini mustahkamlaydi.