O'zbekistondagi Wildberries marketpleysi xaridlar to'lovini ikki haftalik interval bilan oltita teng qismga bo'lish imkonini beruvchi BNPL "Qismlarda" xizmatini taqdim etdi. Opsiya buyurtmani rasmiylashtirish jarayoniga integratsiya qilingan va mobil ilova bir necha hafta davomida yangilanib borgani sari foydalanuvchilar uchun mavjud bo'ladi. Tovardan voz kechilgan taqdirda barcha to'lovlar avtomatik ravishda xaridorga qaytariladi.
Xizmat mijozlarga byudjetni yanada moslashuvchan boshqarishga, sotuvchilarga esa o'rtacha chek va savdo hajmlarini oshirishga yordam beradi. Tadqiqotlar ma'lumotlariga ko'ra, "Qismlarda" xizmatidan foydalanilganda o'rtacha chek o'sishi 11 foizdan 25 foizgacha bo'lishi mumkin. Bunda sotuvchilar bilan hisob-kitoblar standartligicha qoladi: ular xariddan so'ng darhol to'lovni to'liq oladilar.
"Biz xaridorlar zamonaviy raqamli savdoning afzalliklaridan foydalanishlari uchun marketpleysimizdagi to'lov imkoniyatlari spektrini izchil kengaytirmoqdamiz. Bo'lib to'lashni ishga tushirish xaridorlarning moliyaviy qulayligini oshirish va sellerlarimiz uchun savdolar o'sishini ta'minlash yo'lidagi muhim qadamdir", — deb ta'kidladi Wildberries'ning O'zbekistondagi direktori Akmal Primkulov.
