Kanadaning Center for Entertainment Arts kompaniyasi O‘zbekistonda ofis ochmoqda. CEA vakillarining Respublika Raqamli texnologiyalar vazirligi bilan uchrashuvida ishga tushirish masalalari va hamkorlik formatlari muhokama qilindi. Asosiy e’tibor yoshlar uchun xalqaro ta’lim va ijodiy dasturlarni rivojlantirishga qaratildi.
CEA amaliyotga yo‘naltirilgan ta’lim modelidan foydalanib, animatsiya, VFX, geym-dizayn va kinoindustriyasi sohasida mutaxassislar tayyorlaydi. Kompaniya o‘z faoliyati davomida 2,5 mingdan ortiq bitiruvchilarni tayyorladi, ularning ko‘pchiligi Walt Disney Animation Studios, Pixar, DreamWorks Animation va Ubisoft kabi yetakchi jahon studiyalarida ishlaydi.
CEAning bosh ofisi Vankuverda joylashgan, filiallari Buyuk Britaniya va Saudiya Arabistonida faoliyat yuritadi. Hozirda kompaniya Saudiya Arabistonida qiymati qariyb 200 million dollarga teng loyihada ishtirok etmoqda, u yerda 7 ta film va 7 ta o‘yin yaratmoqda, bu esa uning ko‘ngilochar sohadagi xalqaro tajribasini tasdiqlaydi.