O‘zbekiston prezidenti yangilangan «O‘zbekiston-2030» strategiyasini tasdiqladi, unga ko‘ra 2026-yilda davlat banklarini xususiylashtirish amalga oshirilmaydi. Davlat ishtirokidagi banklar soni avvalgi darajada saqlanib qoladi — hozirda davlatga 9 ta kredit tashkiloti tegishli, jumladan, Milliy bank, Agrobank, O‘zsanoatqurilishbank va Asakabank.
Keng ko‘lamli o‘zgarishlar keyinroqqa rejalashtirilgan. 2027-yilda davlat banklari soni 7 taga, 2028-yilda 6 taga, 2029-yilda 5 taga qisqarishi, 2030-yilga kelib esa 4 ta bank qolishi kerak. Ularning ro‘yxati hozircha oshkor qilinmayapti. Bunday yondashuv strategiyaning avvalgi versiyalaridan farq qiladi, unda xususiylashtirish, jumladan, har yili kamida bitta bankni sotish ko‘zda tutilgan edi.
Shu bilan birga, tayyorgarlik choralari davom etmoqda. Yevropa tiklanish va taraqqiyot banki 2026-yilda Asakabank aksiyalarining 15 foizini sotib olishni rejalashtirmoqda. O‘zsanoatqurilishbankni xususiylashtirishning yakuniy bosqichi 2025–2026-yillarda, Asakabank, Aloqabank va Turonbankni xususiylashtirish esa 2026–2027-yillarda kutilmoqda. Shu bilan birga, Milliy bank, Agrobank, Mikrokreditbank, Xalq banki va Biznesni rivojlantirish bankini 2026–2028-yillarda xususiylashtirish rejalashtirilmagan.