O‘zbekistonda «Ucell» va «Korzinka»dan aksiyalar niqobi ostida internet-firibgarlikning yangi sxemalari tarqalmoqda. Bu haqda Raqobatni rivojlantirish va iste’molchilar huquqlarini himoya qilish qo‘mitasi ogohlantirdi. Idora ma’lumotlariga ko‘ra, firibgarlar ijtimoiy tarmoqlarda soxta o‘yinlar va bonuslar haqida xabarlar tarqatib, fuqarolarning shaxsiy ma’lumotlarini olishga urinmoqda.
Bir holatda firibgarlar Telegram-botga o‘tib, shaxsiy ma’lumotlarni kiritishni taklif qilib, «Ucell»dan 3 oy bepul aloqa va’da qilmoqda. Boshqa birida esa «Korzinka»ning 30 yilligi munosabati bilan 5 ta kvartira va 300 million so‘mlik sertifikatning soxta o‘yinini tarqatmoqda, unda ishtirok etish uchun bot orqali o‘z ma’lumotlarini taqdim etish talab etiladi.
Idora fuqarolarni hushyor bo‘lishga va shubhali havolalar orqali shaxsiy ma’lumotlar, bank kartalari rekvizitlari va SMS-kodlarni kiritmaslikka chaqiradi. Bunday sxemalar ma’lumotlarni o‘g‘irlashga qaratilgan va moliyaviy yo‘qotishlarga olib kelishi mumkin.
