Pokiston davlat Sindh Bank O‘zbekistonda filial ochish imkoniyatini o‘rganmoqda. Bu haqda "Dunyo" agentligi xabar bermoqda. Tashabbus O‘zbekistonning Islomobod shahridagi elchixonasi tomonidan qo‘llab-quvvatlandi va mamlakat Markaziy banki vakillari hamkorlik istiqbollarini muhokama qilish uchun bank rahbariyati bilan onlayn-uchrashuv o‘tkazdi.
O‘zbekiston tijorat banklari bilan korrespondentlik aloqalarini o‘rnatishga alohida e’tibor qaratildi. Sindh Bank ijrochi direktorining o‘rinbosari Asad Ali Shohning ta’kidlashicha, bunday aloqalar mamlakatlar o‘rtasidagi savdo-iqtisodiy hamkorlikni qo‘llab-quvvatlash va moliyaviy imkoniyatlarni kengaytirishga yordam beradi.
Pokiston tomoni ishni RMA tizimi orqali boshlashni rejalashtirmoqda — bu SWIFT foydalanuvchilarining o‘zaro munosabatlarini boshqarish bo‘yicha ixtisoslashgan xizmat. Kelgusida operatsiyalarni bosqichma-bosqich kengaytirish, jumladan, O‘zbekiston bozorida to‘liq filial ochish mumkin.