Toshkentda Yevropa Tiklanish va Taraqqiyot Banki tomonidan qo'llab-quvvatlangan MaxCopper kompaniyasining yangi ishlab chiqarish liniyasi ishga tushirildi.
Loyiha Yevropa Tiklanish va Taraqqiyot Bankining birinchi vitse-prezidenti Greg Geyett va bankning O'zbekistondagi vakolatxonasi rahbari Andi Aranitasi tomonidan taqdim etildi. Ta'kidlanishicha, bunday tashabbuslar mamlakatning sanoat salohiyatini oshiradi va xalqaro bozorlarga chiqish imkoniyatini ochadi.
Yevropa Tiklanish va Taraqqiyot Banki korxonaga 10 million yevrogacha moliyalashtirish ajratdi. Mablag'lar ishlab chiqarishni kengaytirish va xomashyo, jumladan, mis katodlarini sotib olishga yo'naltiriladi. Bu ishlab chiqarish hajmini oshirish va o'sib borayotgan talab sharoitida korxonaning barqaror ishlashini ta'minlash imkonini beradi.
MaxCopper isitish, shamollatish va konditsionerlik tizimlari uchun mis quvurlar va fitinglar ishlab chiqarishga ixtisoslashgan. Mahsulotlarning asosiy qismi Yevropa va qo'shni mamlakatlarga eksportga mo'ljallangan. Loyiha sanoatni diversifikatsiya qilish va zamonaviy sifat standartlarini joriy etishda muhim qadam sifatida ko'rilmoqda.