Shvetsiyaning Green14 kompaniyasi O'zbekistonda loyihalarni ishga tushirish imkoniyatini ko'rib chiqmoqda. Muzokaralar investitsiyalar vaziri o'rinbosari Akram Aliyev va kompaniya asoschisi Adam Podgorski boshchiligidagi delegatsiya ishtirokida bo'lib o'tdi.
2021 yilda asos solingan Green14 elektronika, energetika va sanoatda qo'llaniladigan kritik ahamiyatga ega materiallarni ishlab chiqarishning ekologik texnologiyalariga ixtisoslashgan. Uchrashuv chog'ida investorlar jozibador investitsiya muhitini qayd etib, geologiya sohasidagi hamkorlikka qiziqish bildirdi.
Tomonlar foydali qazilmalarni qazib olishda zamonaviy yechimlarni joriy etish, kukunli metallurgiyani rivojlantirish va yuqori qo'shilgan qiymatga ega ishlab chiqarishlarni yaratishni muhokama qildi. Shuningdek, sanoat samaradorligini oshirish uchun texnologik almashinuv va qo'shma loyihalarga alohida e'tibor qaratildi.
