O'zbekistonda Tashqi ishlar vaziri Baxtiyor Saidovning Yaponiya Tashqi ishlar vaziri o'rinbosari Arfiya Eri bilan uchrashuvi bo'lib o'tdi. Muzokaralar ikki davlat o'rtasidagi kengaytirilgan strategik sheriklikni rivojlantirishga bag'ishlandi.
Tomonlar ilgari erishilgan oliy darajadagi kelishuvlarning bajarilishini muhokama qildilar va siyosiy muloqotni mustahkamlash bo'yicha keyingi qadamlarni belgiladilar. "Markaziy Osiyo + Yaponiya" formati va o'zaro hamkorlikni kengaytirish istiqbollariga alohida e'tibor qaratildi.
"Yashil" rivojlanish, savdo-iqtisodiy hamkorlik va parlamentlararo aloqalar ustuvor yo'nalishlar qatorida belgilandi. Uchrashuv ishtirokchilari o'zaro ishonch va barqaror hamkorlik asosida uzoq muddatli sheriklikni rivojlantirishga tayyor ekanliklarini tasdiqladilar.
