Rossiya Federatsiyasi O'zbekiston va boshqa MDH davlatlaridan kelgan professional haydovchilarning mamlakatda qolish muddatini avvalgi 90 kun o'rniga yiliga 180 kungacha uzaytirishga qaror qildi. Bu chora transport-logistika sektorini qo'llab-quvvatlash va xalqaro tashishlarni soddalashtirishga qaratilgan.
O'zgarishlar 2026-yil 30-iyundan kuchga kiradi va xalqaro avtomobil yo'nalishlarida vizasiz rejimda ishlaydigan haydovchilar uchun amal qiladi. Bosh vazir o'rinbosari Jamshid Xodjayevning so'zlariga ko'ra, avtomobil transporti eksportning, ayniqsa qishloq xo'jaligi mahsulotlari va qurilish materiallari uchun asosiy kanali bo'lib qolmoqda.
Qolish muddatining uzaytirilishi ma'muriy to'siqlarni kamaytirishi va yetkazib berish barqarorligini oshirishi kutilmoqda. Ishbilarmon doiralar ilgari bu masalani bir necha bor ko'tarib, xalqaro logistikada band bo'lgan haydovchilar uchun yanada moslashuvchan shart-sharoitlar zarurligini ta'kidlagan edi.