Turkiy Davlatlar Tashkiloti (TDT) Davlat rahbarlari kengashining norasmiy sammiti 2026-yil 15-may kuni Qozog'iston raisligida Turkistonda bo'lib o'tadi. Uchrashuvning asosiy mavzusi sun'iy intellekt va raqamli texnologiyalarni rivojlantirish, shuningdek, ularning iqtisodiyot va davlat boshqaruviga ta'siri bo'ladi.
Tadbirda TDTga a'zo va kuzatuvchi davlatlar rahbarlari, tashkilot bosh kotibi, shuningdek, Oqsoqollar kengashi va tegishli hamkorlik tuzilmalari vakillari ishtirok etadi. Sun'iy intellektni joriy etish, raqamli infratuzilmani rivojlantirish va davlat xizmatlari samaradorligini oshirish masalalariga alohida e'tibor qaratiladi.
Ishtirokchilar raqamli transformatsiyani tezlashtirish va mintaqaning iqtisodiy o'zaro bog'liqligini mustahkamlash yo'llarini muhokama qilishlari kutilmoqda. Turkiy dunyoning ma'naviy markazi hisoblangan Turkistondagi sammit texnologiyalar va innovatsiyalar sohasida strategik muloqotni kengaytirish uchun platforma sifatida ko'rilmoqda.