Toshkentda O'zbekiston Konchilik sanoati va geologiya vazirligi rahbariyati hamda SLB (Schlumberger) xalqaro kompaniyasi delegatsiyasi o'rtasida uchrashuv bo'lib o'tdi. Delegatsiyaga Osiyo mintaqasi bo'yicha vitse-prezident Lindsi Lomas boshchilik qildi. Muzokaralarda, shuningdek, vazir B. Islomov, uning birinchi o'rinbosari F. Hamidova va tegishli bo'linmalar rahbarlari ishtirok etdi.
Tomonlar geologiya va konchilik sanoati sohasida hamkorlikni rivojlantirish, shuningdek, soha mutaxassislarining malakasini oshirishga alohida e'tibor qaratdilar. Istiqbolli loyihalarni amalga oshirish va zamonaviy raqamli yechimlarni joriy etishga qaratilgan qo'shma tashabbuslar muhokama qilindi.
Muzokaralarning alohida bloki geologik jarayonlarni raqamlashtirish va ma'lumotlarni tahlil qilish hamda soha jarayonlarini boshqarish uchun sun'iy intellekt texnologiyalaridan foydalanishga bag'ishlandi. O'zbekiston hukumati bunday yechimlarni geologiya-qidiruv ishlarining samaradorligi va aniqligini oshirish vositasi sifatida ko'rib chiqmoqda.
Uchrashuv yakunida tomonlar hamkorlikni yanada kengaytirish, jumladan, texnologik va ta'lim loyihalari, shuningdek, mutaxassislar o'rtasida tajriba almashishdan manfaatdor ekanliklarini tasdiqladilar.