"Yagona umumrespublika protsessing markazi" AJ UZCARD va xalqaro to‘lov tizimi Mastercard O‘zbekistonda raqamli to‘lov infratuzilmasini rivojlantirishga qaratilgan o‘zaro anglashuv memorandumini imzoladilar. Hujjat Samarqandda Osiyo taraqqiyot banki Boshqaruvchilar kengashi yig‘ilishi doirasida taqdim etildi.
Tomonlar naqd pulsiz to‘lovlarni qabul qilishni kengaytirish, transchegaraviy hisob-kitoblarni rivojlantirish va yangi fintex-yechimlarni joriy etish bo‘yicha qo‘shma loyihalarni ko‘rib chiqishga kelishib oldilar. Onlayn operatsiyalar o‘sishi fonida qo‘shimcha qiymatga ega raqamli xizmatlarni yaratish va kiberxavfsizlikni kuchaytirishga alohida e'tibor qaratildi.
Hamkorlik doirasida moliya sektorining raqamli transformatsiyasini tezlashtirish uchun Mastercard'ning xalqaro tajribasini UZCARD'ning mahalliy infratuzilmasi bilan birlashtirish rejalashtirilgan. O‘zbekistonda ushbu kelishuv milliy to‘lov tizimini mustahkamlashi hamda aholi va biznesning zamonaviy naqd pulsiz xizmatlarga kirishini kengaytirishi kutilmoqda.