IT Park Uzbekistan StartupBlink xalqaro tahliliy platformasi delegatsiyasi bilan ishchi uchrashuv o‘tkazdi. Tomonlar O‘zbekistonning startap ekotizimini rivojlantirish va uning global miqyosdagi ko‘rinishini oshirishga qaratilgan uzoq muddatli hamkorlikni muhokama qildilar.
Asosiy e'tibor mahalliy raqamli loyihalar va ma'lumotlarni xalqaro tahliliy tizimlarga integratsiya qilishga qaratildi. Gap O‘zbekiston startaplarining rivojlanishini jahon reytinglarida va texnologik xablar uchun benchmark mexanizmlarida aniqroq aks ettirish haqida bordi.
Shuningdek, StartupBlink'ning IT Parkning kelgusi tadbirlarida ishtiroki va platformaning mintaqadagi tahliliy ishtirokini kengaytirish masalalari muhokama qilindi. Uchrashuv yakunida tomonlar mamlakatning global startap xaritasidagi mavqeini mustahkamlash va xalqaro investorlarning e'tiborini jalb qilishga qaratilgan tizimli hamkorlik to‘g‘risida kelishib oldilar.