O‘zbekiston Davlat tarixi muzeyi qariyb ikki yil davom etgan keng ko‘lamli rekonstruksiyadan so‘ng o‘z faoliyatini qayta boshlamoqda. Tantanalik ochilish marosimi 24-iyul kuni bo‘lib o‘tadi, shundan so‘ng tashrifchilar yangilangan ekspozitsiyalar bilan yana tanishishlari mumkin bo‘ladi.
Muzeyning jamoatchilikka qaytishi munosabati bilan 24-iyuldan 26-iyulgacha Ochiq eshiklar kunlari bo‘lib o‘tadi. Shu kunlarda O‘zbekiston fuqarolari muzeyga bepul tashrif buyurishlari mumkin. Muassasa 2024-yil iyun oyidan boshlab ko‘rgazma zallarini yangilash va bino fasadini ta’mirlash sababli yopilgan edi.
O‘zbekiston Davlat tarixi muzeyi Markaziy Osiyodagi eng qadimiy muzeylardan biri hisoblanadi. U 1876-yilda tashkil etilgan bo‘lib, 2026-yilda o‘zining 150 yillik yubileyini nishonlaydi. Uning kolleksiyasida 350 mingdan ortiq eksponatlar, jumladan, arxeologik topilmalar, tangalar, qadimiy qo‘lyozmalar va etnografik materiallar saqlanadi, ular mintaqa tarixini qadim zamonlardan to hozirgi kungacha hikoya qiladi.