O'zbekistonda stablekoinlarni ta'minlashga qo'yiladigan talablar kengaytirildi. Endi kriptotexnologiyalarni sinovdan o'tkazish uchun maxsus huquqiy rejim doirasida bunday raqamli aktivlarni chiqaradigan kompaniyalar nafaqat milliy va xorijiy valyutani, balki davlat qimmatli qog'ozlarini ham ishlatishlari mumkin bo'ladi.
O'zgarishlar Adliya vazirligi tomonidan ro'yxatga olindi. Yangi qoidalarga ko'ra, pul mablag'lari Markaziy bankdagi maxsus hisobvaraqda joylashtirilishi kerak, emitentning davlat obligatsiyalari esa Markaziy depozitariy tomonidan regulyator foydasiga bloklanadi. Shu bilan birga, kompaniya ushbu qimmatli qog'ozlar bo'yicha daromad va foizlarni olish huquqini saqlab qoladi.
Shuningdek, hukumat zaxiralar miqdoriga talablarni belgiladi. Maxsus hisobvaraqdagi mablag'larning umumiy qiymati va bloklangan davlat qimmatli qog'ozlarining nominal qiymati chiqarilgan va muomalada bo'lgan barcha stablekoinlarning umumiy qiymatidan kam bo'lmasligi kerak. Shu bilan birga, ta'minot uchun kreditlar, garovga qo'yilgan mol-mulk yoki boshqa qarz mablag'laridan foydalanish taqiqlanadi.