Farg‘ona viloyatida qurilish materiallari sanoati bo‘yicha ixtisoslashgan Forsight-ofis tashkil etildi. U bozor tendensiyalarini o‘rganish, soha rivojlanishini bashorat qilish hamda biznes va davlat tuzilmalari uchun tavsiyalar tayyorlash bilan shug‘ullanadi. Loyiha Makroiqtisodiy va hududiy tadqiqotlar instituti Farg‘ona davlat texnika universiteti bilan hamkorlikda amalga oshirildi.
Tashabbusni rivojlantirish maqsadida mintaqaga strategik innovatsiyalar va sun’iy intellekt bo‘yicha ekspert Samer Shidiak taklif etildi. U ilgari Microsoft kompaniyasida rahbarlik lavozimlarida ishlagan va Yaqin Sharq hamda Dubayda innovatsion markazlarni yaratishda ishtirok etgan. Farg‘ona viloyati hokimi Xayrullo Bozorov bilan uchrashuvda iqtisodiyotni raqamlashtirish, sun’iy intellektni qo‘llash va sanoatda forsight-yondashuvlarni joriy etish masalalari muhokama qilindi.
Yangi ofis qurilish materiallari sohasidagi o‘zgarishlarni doimiy monitoring qilish, texnologik va investitsion tendensiyalarni tahlil qilish, shuningdek, ilmiy asoslangan prognozlarni tayyorlash vositasiga aylanadi. Loyihaning ishga tushirilishi doirasida soha korxonalari vakillari uchun o‘quv seminarlari o‘tkazildi. Unda ishtirokchilar biznesni kelajakdagi o‘zgarishlarga moslashtirish va yangi texnologiyalardan foydalanish usullarini muhokama qildilar.
