Xorijiy raqamli xizmatlar yetkazib beruvchilar O‘zbekistonda soliq to‘lovlarini sezilarli darajada oshirdi. 2026-yilning dastlabki olti oyida xorijiy kompaniyalar byudjetga 143,8 mlrd so‘m o‘tkazdi, bu o‘tgan yilning shu davriga nisbatan 84% ko‘pdir.

O‘sish ko‘rsatilgan elektron xizmatlar hajmining oshishi bilan bog‘liq. Yanvar-iyun oylarida ularning qiymati 1,2 trln so‘mga yetdi, bir yil avval bu ko‘rsatkich 656,8 mlrd so‘m edi. Shu bilan birga, O‘zbekistonda soliq to‘lovchi sifatida ro‘yxatdan o‘tgan xorijiy kompaniyalar soni 72 tadan 97 taga oshdi.

Eng yirik to‘lovchilar Apple (33,6 mlrd so‘m), Google (33,3 mlrd so‘m) va Meta* (29,9 mlrd so‘m) bo‘ldi. Kuchli o‘ntalikka Valve, Anthropic, OpenAI, Midasbuy, Booking.com, TikTok va Anysphere ham kirdi. OpenAI to‘lovlarni eng sezilarli darajada oshirdi – 2,9 mlrd so‘mdan 5,6 mlrd so‘mga, Google va Apple esa har biri 10 mlrd so‘mdan ko‘proq ajratmalarini oshirdi.