Avgust oyi boshiga qadar mamlakatda qariyb 75,7 mln bank kartalari mavjud edi. O‘zbekiston Markaziy banki ma’lumotlariga ko‘ra, 2026-yil yanvar-iyul oylarida to‘lov terminallari orqali aylanma 387,35 trln so‘mga yetdi.
Mamlakatda jami 453,5 mingga yaqin to‘lov terminali, shuningdek, 47 ming bankomat va infokiosk o‘rnatilgan.
Operatsiyalar hajmi bo‘yicha “Aloqabank” yetakchilik qilmoqda – 41 trln so‘mdan ortiq, yoki umumiy aylanmaning 10,6%. Ikkinchi o‘rinni NBU 32,2 trln so‘m (8,3%) bilan, uchinchi o‘rinni TBC Bank 25,2 trln so‘m (6,5%) bilan egalladi.
Kuchli o‘nlikka shuningdek, “Hamkorbank”, “Ipak Yo‘li bank”, Uzum Bank, “Ipoteka-bank”, “Xalq banki”, “Mikrokreditbank” va “Agrobank” kirdi.
Chiqarilgan kartalar soni bo‘yicha “Xalq banki” yetakchilik qilmoqda – 12,1 mln dan ortiq. Keyingi o‘rinlarda Uzum Bank 7,2 mln karta va “Agrobank” 6,8 mln karta bilan joylashgan.
Eng yirik to‘lov terminallari tarmog‘iga “Hamkorbank” ega – 68 mingdan ortiq qurilma. Bankomatlar va infokiosklar soni bo‘yicha birinchi o‘rinni “Xalq banki” egallaydi – 3,1 mingdan ortiq qurilma.