O‘zbekistonda fuqarolarga davlat organlariga murojaatlarning ko‘rib chiqilishini nazorat qilish imkonini beruvchi yangi SMS-xizmat ishga tushirildi. Har bir bosqich haqidagi ma’lumot pm.gov.uz saytidagi shaxsiy kabinetda aks etadi, ish jarayoni haqidagi xabarlar esa ro‘yxatdan o‘tgan telefon raqamiga qo‘shimcha ravishda keladi.
Javob tayyorlangandan so‘ng, fuqaro shaxsiy kabinetga havola bilan SMS oladi. U yerda natija bilan tanishish va ikki variantdan birini tanlash mumkin: agar masala hal qilingan va javob qoniqarli bo‘lsa, “Roziman” yoki agar muammo hal etilmagan bo‘lsa, “E’tirozim bor”. Ikkinchi holda, murojaat qayta ko‘rib chiqish uchun ijrochiga qaytariladi.
Yangi qayta aloqa mexanizmi Prezident Xalq qabulxonasi tomonidan Raqamli texnologiyalar vazirligi bilan hamkorlikda ishga tushirildi. Shunday qilib, fuqaro murojaatning butun yo‘lini – arizani topshirishdan tortib, javob olish va uni ko‘rib chiqish sifatini baholashgacha nazorat qilish imkoniyatiga ega bo‘ladi.