Oʻzbekiston Raqamli texnologiyalar vaziri Sherzod Shermatov Inha universiteti prezidenti Ki Yong Chxve bilan Oʻzbekiston va Janubiy Koreya kampuslari oʻrtasidagi hamkorlikni yanada rivojlantirish masalasini muhokama qildi. Uchrashuv yakunida Toshkentdagi Inha universiteti va Janubiy Koreyadagi Inha universiteti yangi besh yillik Royalty Agreement kelishuvini imzoladi.
Hujjat oʻquv dasturlarini yangilash, talabalar va oʻqituvchilar almashinuvini kengaytirish, shuningdek, qoʻshma magistratura va ilmiy-tadqiqot loyihalarini ishga tushirishni nazarda tutadi. Fargʻona kampusiga alohida eʼtibor qaratildi, u uchun sunʼiy intellekt, kiberxavfsizlik, muhandislik va kosmik texnologiyalar sohasida taʼlim va tadqiqot tashabbuslari rejalashtirilgan.
Bundan tashqari, tomonlar PhD dasturlari va ilmiy stajirovkalarini rivojlantirish, Summer School oʻtkazish va Fargʻona kampusining ilmiy-taʼlim salohiyatini oshirish niyatida. Oʻzbekiston Raqamli texnologiyalar vazirligida taʼkidlanishicha, kelishuvlar taʼlim va tadqiqot sohasidagi xalqaro hamkorlikni kengaytirishi va IT sohasida mutaxassislar tayyorlash imkoniyatlarini oshirishi kerak.