Yaponiya hukumati Oʻzbekistonga kadrlar tayyorlash boʻyicha JDS dasturini amalga oshirish uchun 358 million yengacha, yaʼni qariyb 2,25 million dollar ajratadi. 28-sentabr kuni Toshkentda Yaponiya elchisi Hirata Kenji va Oʻzbekiston Oliy taʼlim, fan va innovatsiyalar vaziri Kongratbay Sharipov loyiha boʻyicha almashinuv notalarini imzoladilar.
Dastur Oʻzbekistonning yosh davlat xizmatchilarini Yaponiya universitetlarining magistratura bosqichida oʻqitishni nazarda tutadi. Daraja olgandan soʻng, bitiruvchilar mamlakatga qaytib, davlat siyosatini ishlab chiqish va boshqa davlat vazifalarini hal qilishda ishtirok etishlari kerak.
Loyiha Yaponiya hukumatining begʻaraz yordami doirasida amalga oshirilmoqda. Grant shartnomasini vazir Kongratbay Sharipov va JICAning Oʻzbekistondagi vakolatxonasi rahbari Sakai Mamoru imzoladilar.
Stipendiya dasturi 2025-yil dekabr oyida birinchi “Markaziy Osiyo + Yaponiya” sammitidan soʻng qabul qilingan davlat rahbarlarining Qoʻshma deklaratsiyasi – Tokio deklaratsiyasida belgilangan “Inson salohiyatini rivojlantirish” yoʻnalishiga tegishli. Yaponiya, shuningdek, loyiha oʻzaro tushunish va ikki tomonlama munosabatlarni mustahkamlashga yordam berishini kutmoqda.
