Janubiy Koreyaning SaferZone kompaniyasi O'zbekistonni kiberxavfsizlik infratuzilmasi va ma'lumotlar markazlarini rivojlantirish uchun mintaqaviy platforma sifatida ko'rib chiqmoqda. ICT WEEK Uzbekistan 2026 doirasida kompaniya vakillari IT Park Uzbekistan bilan biznesni mahalliylashtirish va yechimlarni Markaziy Osiyo bozorlariga kengaytirish istiqbollarini muhokama qildilar.
Uchrashuv yakunida IT Park Uzbekistan va SaferZone o'zaro anglashuv memorandumini imzoladilar. Tomonlar mamlakatda mahalliy kompaniya va ma'lumotlar markazini yaratish imkoniyatini o'rganishni rejalashtirmoqda. Taxminlarga ko'ra, ob'ekt IT Park rezidentlari va boshqa kompaniyalar uchun kolokatsiya xizmatlari, bulutli va hisoblash resurslari, shuningdek, axborot xavfsizligi yechimlarini taqdim eta oladi.
SaferZone, shuningdek, Janubiy Koreyaning texnologik kompetensiyalaridan O'zbekiston bozori talablariga mos IT-mahsulotlarni ishlab chiqish, sertifikatlash va moslashtirish uchun foydalanish niyatida. Kelajakda mahalliylashtirilgan yechimlar Markaziy Osiyo, Sharqiy Yevropa va Afrika bozorlariga chiqishi mumkin. 2001-yilda tashkil etilgan kompaniya ma'lumotlar sizib chiqishi, to'lov dasturlari va viruslardan himoya qilish, tarmoq va pochta xavfsizligi, shuningdek, shifrlash uchun SaferZone All-in-One platformasini rivojlantirmoqda.