nPerf barometri maʼlumotlariga koʻra, Ucell Oʻzbekistonda 5G tarmogʻining eng katta qamrovini koʻrsatdi – 30,32%. Ikkinchi oʻrinni UzMobile 22,90% koʻrsatkich bilan egalladi, farq 7,42 foiz punktni tashkil etdi. Beeline va Mobiuz uchun 5G qamrovi koʻrsatkichlari tadqiqotda keltirilmagan. Oʻlchovlar nPerf Android-ilovasi foydalanuvchilarining test natijalariga asoslangan.
4G segmentida UzMobile 93,28% qamrov bilan yetakchi boʻldi. Ucell 91,32% bilan ikkinchi oʻrinni egalladi, keyingi oʻrinlarda Beeline 89,43% va Mobiuz 86,24% bilan joylashdi. Hududiy darajada 5G qamrovining maksimal koʻrsatkichi Toshkentda qayd etilgan – 76,9%, minimal koʻrsatkich esa Toshkent viloyatida boʻlib, u 22,0% ni tashkil etdi.
nPerf maʼlumotlariga koʻra, Oʻzbekistonda 5G hozircha 4G ga nisbatan sezilarli darajada kamroq qamrovga ega. Platforma real foydalanuvchi tajribasi va millionlab internet ulanish sifati oʻlchovlari tahlili asosida tadqiqotlar olib boradi. nPerf 4G allaqachon keng qamrovni taʼminlayotganini, beshinchi avlod tarmoqlari esa rivojlanishda davom etayotganini taʼkidlaydi.
