UZINFOCOM tomonidan ishlab chiqilgan MyID biometrik verifikatsiya tizimi Amerika iBeta Quality Assurance laboratoriyasining ISO/IEC 30107-3 Level 2 standartiga muvofiqligi bo'yicha mustaqil sinovdan muvaffaqiyatli o'tdi. Sinovlar davomida texnologiyaning turli soxta yuz artefaktlaridan foydalangan holda shaxsni almashtirish urinishlarini aniqlash qobiliyati tekshirildi.
Sinov natijalariga ko'ra, qo'llanilgan barcha hujum usullari oldi olindi, shu bilan birga haqiqiy foydalanuvchilar verifikatsiya jarayonidan muvaffaqiyatli o'tishda davom etdilar. Shunday qilib, sinovlar MyID tizimining biometrik ma'lumotlarni almashtirishning tekshirilgan stsenariylariga chidamliligini tasdiqladi.
UZINFOCOM ma'lumotlariga ko'ra, MyID Markaziy Osiyoda iBeta Level 2 dan o'tgan yagona yechim bo'ldi. iBeta Quality Assurance laboratoriyasi NIST/NVLAP tomonidan akkreditatsiyadan o'tgan va biometrik texnologiyalarni sinovdan o'tkazishga ixtisoslashgan. Bunday sinovlar natijalari texnologik kompaniyalar, moliyaviy tashkilotlar va regulyatorlar tomonidan biometrik identifikatsiya tizimlarining ishonchliligini baholashda hisobga olinadi.