Ozarbayjon, Qozog'iston, Turkiya va O'zbekiston Turkiy Davlatlar Tashkiloti doirasida kosmik sohada hamkorlik to'g'risida shartnoma imzoladilar. Hujjat «Turkiy Davlatlar Tashkiloti doirasida hamkorlik salohiyatini rivojlantirish bo'yicha kosmik sanoat sohasidagi dastlabki doiraviy shartnoma» deb nomlandi. Marosim Antaliyada 77-Xalqaro astronavtika kongressi davomida Uzcosmos direktori Shuhrat Qodirov ishtirokida bo'lib o'tdi.
Shartnoma kosmik sanoatning asosiy yo'nalishlari bo'yicha mamlakatlar o'rtasidagi o'zaro hamkorlikni kengaytirishni nazarda tutadi. Bularga kosmik texnologiyalarni ishlab chiqish va joriy etish, sun'iy yo'ldosh tizimlarini yaratish, ilmiy tadqiqotlar o'tkazish va sanoat kooperatsiyasini rivojlantirish kiradi.
Ishtirokchi davlatlarning professional va texnologik salohiyatini mustahkamlashga alohida e'tibor qaratish rejalashtirilgan. Hujjatning imzolanishi kelajakdagi qo'shma loyihalar uchun institutsional asos yaratadi va TDT mamlakatlarining kosmik sohada yanada yaqinroq hamkorligini ta'minlashi kerak.
