22 декабрь куни Қарши халқаро аэропорти муҳим воқеани нишонлади: бу ерда Uzbekistan Airports компаниясининг 15 миллионнчи йўловчиси кутиб олинди. У «Уральские авиалинии» авиакомпаниясининг U6-2457 Москвадан учиб келган рейси билан оиласи билан бирга қайтган Сарвиноз Буриева бўлди.
Аэропорт вакиллари келиш залида юбилей соҳибасини табриклашди ва унга эсдалик совғалари, жумладан, «Ўзбекистон аэропортларининг фахрий йўловчиси» номли сертификати, саёҳат чамодони, брендланган маҳсулотлар ва Қарши — Москва йўналиши бўйича бепул авиачиптага ваучер топширишди.
Аэропорт директори 15 миллион йўловчилик кўрсаткичи аҳолининг ҳаракатчанлиги ошгани, фуқаролик авиацияси тизимига бўлган ишонч ва инфратузилманинг муваффақиятли ривожланишини акс эттиришини таъкидлади. Бу воқеа Uzbekistan Airports компаниясининг аэропортларни модернизация қилиш ва маршрут тармоғини кенгайтириш бўйича иш самарадорлигининг яна бир тасдиғи бўлди.
Бундай рекордга эришиш компаниянинг йўловчиларга хизмат кўрсатиш сифатини ошириш ва саёҳат учун қулай шароитлар яратиш, мамлакатнинг халқаро авиация харитасидаги мавқеини мустаҳкамлашга интилишидан ҳам далолат беради.