O'zbekiston va Xitoy chang va qum bo'ronlaridan erta ogohlantirish bo'yicha qo'shma tizim yaratishga kelishib oldilar. Loyiha mintaqaviy sammit doirasida ikki mamlakat ekologiya idoralari uchrashuvida muhokama qilindi.
Muzokaralarning asosiy ishtirokchilari O'zbekiston Prezidentining ekologiya masalalari bo'yicha maslahatchisi Aziz Abduhakimov va Xitoy ekologiya vaziri Huang Runqiu bo'ldi. Tomonlar hamkorlik umumiy tashabbuslardan zamonaviy texnologiyalarni qo'llash va ilmiy almashinuv bilan amaliy loyihalarga bosqichma-bosqich o'tayotganini ta'kidladilar.
Kelishuvlar doirasida sun'iy yo'ldosh monitoringini rivojlantirish, havo va suv sifati bo'yicha qo'shma laboratoriya tashkil etish, shuningdek, iqlim o'zgarishi sohasidagi ilmiy dasturlarni kengaytirish ham ko'rib chiqilmoqda. Xitoy tomoni texnologiyalar bilan bo'lishishga va mintaqadagi ekologik loyihalarni qo'llab-quvvatlash uchun mutaxassislarni yuborishga tayyorligini bildirdi.
