Avstriya parlamentida O‘zbekiston Prezidenti Administratsiyasi rahbari Said Mirziyoyevaning Federal Kengash raisi Markus Stotter va Milliy Kengash rahbari Valter Rozenkrans bilan bir qator uchrashuvlari bo‘lib o‘tdi. Tomonlar mamlakatlar o‘rtasidagi munosabatlarning hozirgi holati va ularni yanada kengaytirishning mumkin bo‘lgan yo‘nalishlarini muhokama qildilar.
Muzokaralar markazida o‘zaro manfaatli sohalarda, jumladan, iqtisodiy va institutsional yo‘nalishlarda hamkorlikni chuqurlashtirish istiqbollari turdi. O‘zbekistonda amalga oshirilayotgan islohotlarga, jumladan, demokratlashtirish jarayonlari va davlat boshqaruvi tizimini modernizatsiya qilishga alohida e’tibor qaratildi.
Uchrashuvlar yakunida tomonlar aloqalarni yanada mustahkamlash va parlamentlar hamda ijro etuvchi tuzilmalar darajasida faolroq davlatlararo muloqotni rivojlantirishdan manfaatdor ekanliklarini bildirdilar.
