Qoraqalpog‘istonning To‘rtko‘l shahrida 2001-yilda qurilgan temir yo‘l vokzali to‘liq rekonstruksiyadan so‘ng ochildi. Binoning fasadi va ichki qismlari yangilandi, yangi o‘rindiqlar bilan jihozlangan zamonaviy kutish zali tashkil etildi, poyezdlar harakati haqidagi ma'lumotlar ko‘rsatilgan elektron tablo o‘rnatildi va bepul Wi-Fi ishga tushirildi.

Vokzalda birinchi marta yuqori darajadagi xizmat ko‘rsatuvchi VIP-zal paydo bo‘ldi. Shuningdek, nogironligi bo‘lgan va imkoniyati cheklangan yo‘lovchilar uchun sharoitlar yaratildi, bagaj tashish uchun esa maxsus aravachalar o‘rnatildi. Bino atrofidagi hudud obodonlashtirildi va ko‘kalamzorlashtirildi, ichkarida savdo nuqtalari, bankomat, aloqa xizmatlari va ofislar joylashtirildi.

To‘rtko‘l vokzali har kuni taxminan 150–200 nafar yo‘lovchiga xizmat ko‘rsatadi va o‘rtacha kuniga to‘rtta yo‘lovchi poyezdini qabul qiladi yoki jo‘natadi. Rekonstruksiyadan so‘ng u yo‘lovchilarga xizmat ko‘rsatish qulayligi va sifatini oshirishi kerak.