Toshkentda bo'lib o'tgan OGU 2026 konferensiyasi doirasida "O'zbekneftgaz" rahbariyati va Yaponiyaning Yokogawa Electric Corporation kompaniyasi o'rtasida muzokaralar bo'lib o'tdi. Tomonlar texnologik hamkorlikni rivojlantirish va O'zbekiston neft-gaz sanoatini raqamlashtirish masalalarini muhokama qildilar.

Asosiy e'tibor zamonaviy sanoat avtomatlashtirish tizimlarini joriy etishga qaratildi. Ishlab chiqarish jarayonlarini boshqarishning aniqligi va tezligini oshirish imkonini beruvchi taqsimlangan boshqaruv tizimlari (DCS), dispetcherlik nazorati va ma'lumotlarni yig'ish uchun SCADA-platformalar, shuningdek, dasturlashtiriladigan mantiqiy kontrollerlar (PLC) haqida so'z bordi.

Texnologik jarayonlarni yanada aniqroq monitoring qilish uchun sanoat datchiklari, o'lchov asboblari hamda gaz va suyuqlik analizatorlarini qo'llash alohida muhokama qilindi. Bunday yechimlar neft-gaz, kimyo va energetika sohalarida samaradorlik va xavfsizlikni oshirish uchun asos sifatida ko'rib chiqilmoqda.

Uchrashuv yakunida tomonlar hamkorlikni kengaytirish va O'zbekiston sanoatini modernizatsiya qilishni tezlashtirishi hamda korxonalarda avtomatlashtirish darajasini oshirishi kerak bo'lgan kompleks raqamli yechimlarni joriy etishdan manfaatdor ekanliklarini tasdiqladilar.