"O'zbekneftgaz" kompaniyasi Toshkent xalqaro investitsiya forumi doirasida Siemens Energy rahbariyati bilan muzokaralar o'tkazdi. Tomonlar hamkorlikni kengaytirish va O'zbekiston neft-gaz sanoatiga zamonaviy texnologik yechimlarni joriy etish masalalarini muhokama qildilar.

Uchrashuvning asosiy mavzularidan biri "O'zbekneftgaz" ob'ektlaridagi mavjud gaz turbinali qurilmalarni modernizatsiya qilish bo'ldi. Shuningdek, muzokaralar ishtirokchilari ishlab chiqarish infratuzilmasi ish samaradorligini oshirishi kerak bo'lgan yangi kompressor stansiyalarini loyihalash va qurish istiqbollarini ko'rib chiqdilar.

Yoqilg'i-energetika majmuasi korxonalariga investitsiyalarni jalb qilish va texnologik yangilash masalalariga alohida e'tibor qaratildi. Uchrashuv yakunida tomonlar yaqin kelajakda qo'shma loyihalarni amalga oshirish uchun asos bo'ladigan kompleks texnik-iqtisodiy takliflarni tayyorlashga kirishishga kelishib oldilar.