O‘zbekiston Prezidenti Shavkat Mirziyoyev to‘qqizta innovatsion loyihani ishga tushirdi va Nurafshonda Kelajak texnologiyalari markazi qurilishiga start berdi. Yangi majmua sun'iy intellekt, kiberxavfsizlik, robototexnika va raqamli texnologiyalar sohasida mutaxassislar tayyorlash uchun tashkil etilgan Cyber University davlat universiteti atrofidagi yirik raqamli ekotizimning bir qismiga aylanadi.
Kelajak texnologiyalari markazi 36 gektar maydonda joylashadi, loyihaga kiritiladigan investitsiyalar hajmi taxminan 500 million dollarga baholanmoqda. Uning tarkibiga ilmiy laboratoriyalar, sun'iy intellekt ma'lumotlar markazi, muhandislik klasteri, himoyalangan kompyuterlar, ma'lumotlarni uzatish uskunalari ishlab chiqish maydonchalari, shuningdek, uchuvchisiz uchish apparatlari va robototexnika tizimlarini sinovdan o‘tkazish poligonlari kiradi.
Shu bilan birga, Rossiya, Xitoy va Germaniya kompaniyalari ishtirokida umumiy qiymati 465 million dollarlik to‘qqizta yangi loyiha taqdim etildi. Hukumat hisob-kitoblariga ko‘ra, ular qariyb 5 mingta ish o‘rni yaratadi, yana shuncha ish o‘rni texnologiya markazining rivojlanishi tufayli paydo bo‘ladi. O‘zbekistonda yangi klaster startaplar, raqamli iqtisodiyot va IT-xizmatlar eksportini tezlashtirishiga umid qilinmoqda.
