Yaqin uch yilda mamlakatda elektrotexnika sanoati va unga turdosh sohalarda 164 ta loyihani ishga tushirish rejalashtirilmoqda. Keng koʻlamli investitsiya dasturi haqida Oʻzbekiston Prezidenti Shavkat Mirziyoyev maʼlum qildi. Elektron butlovchi qismlar, mikroelektronika, sanoat uskunalari va robototexnika ishlab chiqarish asosiy yoʻnalishlarga aylanadi.

Eng yirik sarmoyalar mikroelektronika va elektron butlovchi qismlar ishlab chiqarishga moʻljallangan: 21 ta loyiha uchun $3,5 mlrd ajratiladi. Yana $3 mlrd sanoat robototexnikasi va uskunalari sohasidagi 45 ta loyihaga yoʻnaltiriladi. Kabel tarmogʻi qiymati $2,5 mlrdlik 41 ta loyihani, transformatorlar va nasoslar ishlab chiqarish esa $1,4 mlrdlik 29 ta loyihani oʻz ichiga oladi. Bundan tashqari, transport va elektromobillar uchun elektrotexnika mahsulotlari ishlab chiqarish boʻyicha $650 mlnlik toʻqqizta loyiha, shuningdek, maishiy texnika sohasida $600 mlnlik 19 ta loyiha nazarda tutilgan.

Dasturni amalga oshirish uchun hukumat xalqaro investorlarni jalb qilishni hamda ilmiy markazlar va texnika oliy oʻquv yurtlari bilan hamkorlikni kengaytirishni rejalashtirmoqda. 2027-yildan boshlab Janubiy Koreya, Yaponiya, Xitoy, Turkiya va Yevropada oʻqitish orqali ming nafar muhandis-konstruktorni tayyorlash dasturini yoʻlga qoʻyish rejalashtirilgan. Shuningdek, Oʻzbekiston xorijiy texnologiya kompaniyalarida faoliyat yuritayotgan vatandoshlar orasidan malakali mutaxassislarni jalb qilishni koʻzlamoqda.