Shavkat Mirziyoyev Premier korxonasiga tashrif buyurdi

Respublikaning elektrotexnika sanoati so‘nggi yillarda davlat tomonidan qo‘llab-quvvatlash, to‘g‘ridan-to‘g‘ri xorijiy investitsiyalar oqimi va zamonaviy texnologiyalarni joriy etish hisobiga faol rivojlanmoqda. Bu mahalliy xomashyoni qayta ishlashni kengaytirish va ichki bozor, shuningdek, eksport uchun yuqori qo‘shilgan qiymatga ega raqobatbardosh mahsulotlar ishlab chiqarishni ko‘paytirish imkonini beradi.

Loyiha Fajr Al Mustaqbal General Trading kompaniyasi bilan hamkorlikda 10 gektar maydonda amalga oshirilmoqda. Umumiy investitsiyalar hajmi 30 million dollarni tashkil etadi. Korxona loyiha quvvatiga chiqqandan so‘ng 250 ta ish o‘rni bilan ta’minlaydi, eksport hajmi esa 4 million dollarga yetadi. Hozirgi vaqtda qurilish-montaj ishlari 95 foizga yakunlangan, 11,3 million dollar o‘zlashtirilgan.

Mahsulotlarni Ozarbayjon, Qozog‘iston, Tojikiston, Rossiya, Qirg‘iziston va Afg‘onistonga yetkazib berish rejalashtirilgan. O‘zbekistonda bunday faqat ikkita korxona, Markaziy Osiyoda esa to‘rtta korxona faoliyat yuritadi; Premier ishlab chiqarish hajmi bo‘yicha ular orasida ikkinchi o‘rinni egallaydi.

Kutilishicha, korxona to‘liq ishga tushirilgandan so‘ng yiliga taxminan 87 million dollarlik import o‘rnini bosuvchi mahsulotlar ishlab chiqarishni ta’minlaydi. Davlat rahbari ishlab chiqarish liniyalarini ko‘zdan kechirdi, ishlab chiqarilayotgan texnikaning sifatini baholadi va xodimlar bilan suhbatlashdi.