Samarqand viloyati hokimi Adiz Boboyev boshchiligidagi delegatsiya AQSHda Savdo vazirligining Kaliforniya boshqarmasi vakillari bilan muzokaralar o'tkazdi. Uchrashuv zamonaviy texnologiyalar, avvalambor sun'iy intellekt sohasida hamkorlikni rivojlantirish va savdo-iqtisodiy aloqalarni kengaytirishga bag'ishlandi.

Tomonlar mintaqaning asosiy sohalariga – turizm va savdoni raqamlashtirishdan tortib, iqtisodiyotdagi boshqaruv jarayonlarini optimallashtirishgacha bo'lgan sun'iy intellekt yechimlarini joriy etishni muhokama qildilar. Ishlab chiqarish samaradorligini oshirish va mijozlarga xizmat ko'rsatish sifatini yaxshilash uchun sun'iy intellekt texnologiyalaridan foydalanishga alohida e'tibor qaratildi.

Shuningdek, uchrashuv davomida antropomorfik va fizik sun'iy intellekt shakllarining rivojlanishi hamda ularning kundalik hayot va xizmat ko'rsatish sohasiga integratsiyasi haqida taqdimot o'tkazildi. Muzokaralar yakunida tomonlar ushbu muloqot Samarqand viloyati va AQSH texnologik markazlari o'rtasida qo'shma innovatsion va investitsion loyihalarni shakllantirish yo'lidagi qadam bo'lganini ta'kidladilar.