Oʻzbekiston Oy, Mars, kometalar va asteroidlarni tinch yoʻl bilan tadqiq qilish va ulardan foydalanishda xalqaro hamkorlik tamoyillarini belgilovchi «Artemis» bitimlarini imzoladi. Hujjat Oʻzbekiston tashqi ishlar vaziri Baxtiyor Saidov va AQSH Davlat kotibi Marko Rubio oʻrtasidagi ikki tomonlama muzokaralar yakunida imzolandi.
Bitimlarga qoʻshilish respublika uchun NASA va boshqa ishtirokchi davlatlarning kosmik agentliklari bilan hamkorlik qilish uchun qoʻshimcha imkoniyatlar ochadi. Istiqbolli yoʻnalishlar orasida milliy mutaxassislarni tayyorlash va kosmik texnologiyalarni uzatish mavjud.
Oʻzbekiston «Artemis» bitimlarini imzolagan 77-davlat boʻldi. Tashabbusda ishtirok etish mamlakatga koinotni tinch yoʻl bilan oʻzlashtirish sohasidagi hamkorlikni kengaytirish va kosmik tadqiqotlar sohasida xalqaro aloqalarni rivojlantirish imkonini beradi.
