O'zbekiston-Gonkong iqtisodiy forumi doirasida "O'zeltexsanoat" uyushmasi va Xitoyning Gotion kompaniyasi o'rtasida muzokaralar bo'lib o'tdi. Tomonlar "yashil energetika" va energiya saqlash texnologiyalari sohasidagi qo'shma loyihalarni tezlashtirish masalasini muhokama qildilar.

Xitoy kompaniyasi akkumulyatorlar va energiya saqlash tizimlarining dunyodagi yirik ishlab chiqaruvchilardan biri bo'lib, O'zbekiston bunday texnologiyalarni qayta tiklanuvchi energetikani rivojlantirishning asosiy elementi sifatida ko'rib chiqadi. Muzokaralar davomida energiya saqlash yechimlariga global talab o'sishda davom etayotgani va Xitoy bu segmentda yetakchi o'rinni egallab turgani ta'kidlandi.

Uchrashuvning asosiy e'tibori allaqachon boshlangan tashabbuslarni amaliy bosqichga o'tkazishga qaratildi. O'zbekiston hududida energiya saqlash tizimlarini ishlab chiqarish va joriy etish bo'yicha loyihalarni tezlashtirish, shuningdek, sanoat va texnologik hamkorlikni kengaytirishga alohida e'tibor qaratildi.

Tomonlar hamkorlikning maqsadi mahalliy ishlab chiqarish bazasini rivojlantirish, zamonaviy texnologiyalarni joriy etish va yangi ish o'rinlari yaratish ekanligini ta'kidladilar. Muzokaralar yakunida mamlakat energetika sektoridagi qo'shma loyihalarni amalga oshirishni tezlashtirish niyati tasdiqlandi.