Xitoyning Raising Sun Technology Co. Ltd kompaniyasi Namangan viloyatining Chust tumanida materiallar uchun boʻyoqlar ishlab chiqaradigan zamonaviy zavod qurilishiga 200 million dollardan ortiq sarmoya kiritish niyatida. Loyihani "Chust" erkin iqtisodiy zonasi hududida uch bosqichda amalga oshirish rejalashtirilgan. Namangan viloyati hokimi Shavkatjon Abdurazzoqov qurilish jarayonini baholadi.
Birinchi bosqichda loyihaga 85 million dollar yoʻnaltirish va 500 ta yangi ish oʻrni yaratish koʻzda tutilgan. Korxona qurilishi va ishlab chiqarishni yoʻlga qoʻyishda ekologik talablarga rioya qilish va zamonaviy texnologiyalarni qoʻllash nazarda tutilgan.
Yangi zavod Chust tumanining sanoat salohiyatini mustahkamlashi, mahsulot ishlab chiqarishni koʻpaytirish va aholi bandligini kengaytirish imkonini berishi kutilmoqda. Rasmiylar, shuningdek, loyiha mahalliy aholi daromadlarini oshirishga yordam berishiga umid qilmoqda.
